 |
Նորություններ
2 սեպտեմբերի, 2010թ.
Սեպտեմբերի 1-ին տեղի ունեցավ Արմավիրի մարզի Շենիկ գյուղի համայնքային կենտրոնում տեղակայված համակարգչային կենտրոնի բացման հանդիսավոր արարողությունը:
Ծրագրի իրագործմանն իր աջակցությունն է բերել Օրանժ Արմենիա ընկերությունը` ապահովելով անհրաժեշտ համակարգչային տեխնիկա և գերարագ ինտերնետ:
Կենտրոնի տարածքը հիմնանորոգվել և կահավորվել է Շենի և համայնքի համատեղ ջանքերով: Բարեկարգվել է նաև նույն շենքում գտնվող գյուղի բուժկետը:
Սեպտեմբերի 1-ի առթիվ գյուղի առաջին դասարանցիները նվերներ ստացան Օրանժ Արմենիա ընկերությունից, իսկ նույն կենտրոնում տեղակայված գրադարանը ստացավ 300 կտոր գեղարվեստական գրականություն, որը հավաքվել էր Օրանժի և Շենի աշխատակիցների ջանքերով:
Բացման արարաողությանը մասակցում էին Ֆրանս Տելեկոմ/Orange Խմբի կորպորատիվ սոցիալական պատասխանատվության գծով գործադիր տնօրեն
Մարկ Ֆոսիեն, Օրանժ Արմենիա ընկերության գլխավոր տնօրեն Բրունո Դյութուան, Շէն-Ֆրանսիայի ներկայացուցիչ Հրայր Հրաչյանը, գյուղի ողջ հասարակությունը:
Բացումից անմիջապես հետո գյուղի բնակիչ, բարձր որակավուոմ ունեցող ՆՏ մասնագետ Երվանդը սկասեց իր աշխատանքը` համակարգելով համակարգչային կենտրոնի գործունեությունը::
9 օգոստոսի, 2010թ.
Օրերս Գեղարքունիքի մարզի Դպրաբակ համայնքում Շեն ԲՀԿ-ի կողմից անցկացվեց սեմինար-դաշտային օր` "Օրգանական գյուղատնտեսություն և շրջակա միջավայրի պահպանություն" թեմայով: Սեմինարը կազմակերպվեց ՄԱԶԾ-ի Հայաստանյան գրասենյակի Գլոբալ Էկոլոգիական Հիմնադրամ (ԳԷՀ) փոքր դրամաշնորհների ծրագրով իրականացվող "Հողային ռեսուրսների կայուն օգտագործմանն ու կենսաբազմազանության պահպանությանն ուղղված փորձի ներդրում Գեղարքունիքի մարզի Դպրաբակ համայնքում" ծրագրի շրջանակներում: Ուսուցումը նախատեսված էր Ճամբարակի տարածաշրջանի 6 համայնքների 7-11 դասարանի աշակերտների համար: Սեմինար-դաշտային օրն անցկացվեց Դպրաբակի համայնքային օրգանական այգու տարածքում և նպատակ էր հետապնդում Դպրաբակի ու հարևան համայնքների երիտասարդ սերնդին ներկայացնել համայնքային միավորի ստեղծման տիպային ծրագրի օրինակը:
Սեմինարի ընթացքում Շեն ԲՀԿ մասնագետների կողմից ներկայացվեցին զեկույցներ` Օրգանական գյուղատնտեսությունը որպես հեռանկարային ուղություն, կենսահումուսի արտադրություն և կոմպոստի կույտի պատրաստման եղանակը, ընտանի կենդանիների հիվանդությունների ախտորոշման մեխանիզմները թեմաներով: Սեմինարի երկրորդ մասում բոլոր մասնակիցների անմիջական մասնակցությամբ համայնքային այգու տարածքում պատրաստվեց կոմպոստի կույտ, որտեղ օգտագործվեցին կալիֆոռնիական կարմիր որդեր:
Դպրաբակի համայնքային այգու պիլոտային ծրագրի օրինակը ոչ միայն կնպաստի համայնքների կայունացմանը և սոցիալական վիճակի բարելավմանը այլ նաև անուղղակի կերպով գյուղաբնակ երիտասարդներին ավելի սերտ կապերով կկապի բնակավայրի հետ:
|
|
 |
|
        
«Անիվ» Ունիվերսալ Վարկային Կազմակերպություն
Գյուղական համայնքներում փոքր և միջին ձեռնարկությունների աջակցման նպատակով 2000թ. Շենը նախաձեռնեց փոխատվական ծրագիր` գյուղերում փոքր և միջին բիզնեսի խթանման «Անիվ» Հիմնադրամի (www.aniv.am) միջոցով: «Անիվի» ֆինանսական միջոցները գոյացել էին Գյուղատնտեսության զարգացման միջազգային հիմնադրամի «Գյուղական համայնքների տնտեսական զարգացման ծրագրի» կողմից Հայաստանի կառավարության` Շենին տրամադրած փոխառությունից: Մենք փոխառուներին առաջարկում էինք խորհրդատվություն և տեխնիկական աջակցություն, ինչպես նաև վերահսկում` հետագա խնդիրներից խուսափելու համար:
Այս շրջանառու ֆոնդի նպատակն էր աշխատատեղերի ստեղծումն ու Հայաստանից արտագաղթողների թվի նվազեցումը` գյուղական ձեռնարկություններին տրամադրելով վարկեր մինչև 15000 ԱՄՆ դոլարի չափով` գյուղմթերքի վերամշակման, փոքր և միջին ձեռնարկությունների և ծառայությունների ստեղծման համար:
Ամենաաղքատ համայնքների բնակիչները, որոնց համար բանկային վարկերը բարձր տոկոսադրույքի և գրավի խիստ պահանջների պատճառով հասու չէին, կարող էին դիմել «Անիվ» Հիմնադրամին: «Անիվ» Հիմնադրամն իր գործունեությունը ծավալում էր Շիրակի, Լոռու, Արագածոտնի, Տավուշի, Վայոց Ձորի և Սյունիքի մարզերում`մինչև 2005 թվականը տրամադրելով 350 վարկ` 3.4 մլն ԱՄՆ դոլար ընդհանուր արժողությամբ, 12% տարեկան տոկոսադրույքով և 3 տարի ժամկետով, որի արդյունքում բացվել է 1500 աշխատատեղ:
2006 թվականին Հայաստանի Կառավարությունը որոշում կայացրեց այն մասին, որ հիմնադրամներն այլևս չեն կարող վարկեր տրամադրել և պետք է գրանցեն ունիվերսալ վարկային կազմակերպություններ` վարկային գործունեություն ծավալելու համար: «Անիվ» Հիմնադրամը 2008 թվականին դիմեց ՀՀ Կենտրոնական Բանկին «Անիվ» ունիվերսալ վարկային կազմակերպության գրանցման համար: Այժմ ՈՒՎԿ-ն գործում է Սյունիքի, Արագածոտնի և Տավուշի մարզերում:
2009 թվականին «Հազարամյակի Մարտահրավերներ-Հայաստան» Հիմնադրամի և «Անիվ» ՈՒՎԿ միջև կնքվեց համաձայնագիր ՀՄՀՀ-ի վարկային բաղադրիչի իրագործման համար: Վարկային այս բաղադրիչը ՀՄՀՀ-ի` «Ջրից դեպի Շուկա» ծրագրի բաղկացուցիչ մասն է կազմում և նպատակ ունի տեխնիկական օգնություն ցուցաբերել ֆերմերներին` գիտելիքների և նոր տեխնալոգիաների փոխանցման, ինչպես նաև շահառու ֆերմերներին գյուղատնտեսական վարկեր տրամադրելու միջոցով:
Փոքր Հիդրոկայան Տավուշի մարզում` կառուցված «Անիվ»-ի վարկի շնորհիվ:
«Անիվի» վարկով Հայկ Իսախանյանի արտադրած կաղնու տակառնեը մեծ պահանջարկ ունեն:
Սամվել Հունանյանն իր երկրորդ վարկն է ստացել «Անիվ»-ի կողմից Ստեփանավանում շվեցարական պանրի արտադրանքն ավելացնելու նպատակով:
|
|
