|
||||||
 |
Նորություններ
|
|
 |
|
  Համայնքային կենտրոններ Լուսակնում և Դարանակում Ցանկացած համայնքում մեր առաջին քայլն է համայնքի անդամներին մոբիլիզացնել, նրանց օգնել կազմակերպվել, աջակցել պոտենցյալ առաջնորդներին` նրանց փոխանցելով համապատասխան տեղեկատվություն և գիտելիքներ: Ձևավորված համայնքային Նախաձեռնող Խմբերը (ՆԽ) ակտիվ դերակատարություն ունեն կարիքների մասնակցային գնահատման, պլանավորման, ծրագրերի իրագործման և գնահատման, ինչպես նաև դրանց հետագա պահպանման և շահագործման գործում: Որոշ համայնքներում ՆԽ տեղական սոցիալական զարգացման հիմնադրամների ստեղծման հիմք են հանդիսացել:  Համայնքային կենտրոն` կառուցված Նորակերտում: Մանկապարտեզների վերագործարկումն առաջնահերթություն է: Շենը կարևոր է համարում անապահով ընտանիքների երեխաների կրթությունն ու ժամանցի կազմակերպումը: 1999թ.-ից ի վեր Շիրակի մարզի Եղնաջուր գյուղում մենք հիմնադրել ենք երեխաների ժամանցի կենտրոն, որը հույս ունենք վերածել ամենամյա ամառային ճամբարի` աշխարհասփյուռ հայ մանուկների համար: Ամեն տարի Շիրակի մարզի 150 երեխաներ վայելում են Եղնաջուրի թարմ օդն ու առողջ սնունդը, զբաղվում են սպորտով: Երեխաներին հյուրընկալելու համար վերանորոգվել է դպրոցի շենքը:  Դպրոցի և ամառային ժամանցի կենտրոնի վերանորոգված շենքը Եղնաջուրում Շատ համայնքներում երիտասարդները կատարում են միայն սեզոնային աշխատանք: Նրանց ժամանցը ավելի արդյունավետ և առողջարար դարձնելու նպատակով Շենը կառուցում և վերանորոգում է համայնքային մարզադահլիճներն ու սպորտային հրապարակները: Մի շարք համայնքներում մեր փորձը ցույց է տալիս, որ այս նախաձեռնությունը կտրուկ փոխում է համայնքի կյանքը: Գյուղական համայնքներում մարզադահլիճների և խաղահրապարակների զարգացման մեկ այլ փաստարկ է այն, որ դպրոցահասակ երեխաները չունեն սպորտային որևէ գույք, և այդ իսկ պատճառով, զրկված են կյանքի տարրական ուրախություններից: Բոլոր այն համայնքներում, որտեղ Շենը աջակցում է սպորտի զարգացմանը, մենք դպրոցահասակ երեխաների մտածելակերպում դրական փոփոխություններ ենք նկատում: Արգինա, Քարաբերդ և Պտղավան համայնքներում արդեն երեխաները հանրապետության մասշտաբով բացառիկ հաջողությունների են հասել:   Քարաբերդի դպրոցականները վայելում են իրենց նոր վերանորոգված մարզադահլիճը:Նորակառույց բացօթյա խաղահրապարակը ծառայում է ոչ միայն սահմանամերձ Պտղավան համայնքի երիտասարդներին, այլ նաև հարևան համայնքներին Խմելու ջուրը Հայաստանի շատ համայնքներում գերակա խնդիր է: Բազմաթիվ պատճառներից մեկը խողովակաշարերի անմխիթար վիճակն է: Հին և ժանգոտված խողովակները ջրի արտահոսքի պատճառ են հանդիսանում, և աղբյուրի ջուրը բնակչությանը չի հասնում: Խողովակաշարերի վերականգնումը և ջրի արտահոսքի կանխումը Շենի գործունեության հիմնական ուղղություններից է:  Երկրաշարժից հետո նախկին Սովետական Միության երկրները օգնության ձեռք մեկնեցին տուժած բնակչությանը: Բայց հաճախ շտապողականության պատճառով նրանք որոշ տեղեր բացթողումներ ունեցան կամ անտեսեցին իրենց կառույցների որակը: Առաջին երկու նկարներում կարող եք տեսնել ջրահեռացման խողովակների բացակայությունը Շիրակի մարզի Ջաջուռ գյուղի (հայտնի գեղանկարիչ Մինաս Ավետիսյանի ծննդավայրը) հենց կենտրոնական մասում և, իհարկե, արդեն ավարտուն ծրագիրը: Գյուղական բուժկետերի կառուցումը կամ նորոգումը, կահավորումն ու սարքավորումների տրամադրումը, ինչպես նաև բուժանձնակազմի վերապատրաստումը միշտ հանդիսացել է առաջնահերթություն:  Վերանորոգված բուժկետ Ն. Բազմաբերդում: Մանրամասների համար այցելեք Ծրագրեր և Կարող եք աջակցել էջեր:
|
|
|
......................................................................... Copyright © 1999 - 2010 Shen Non-Governmental Organization |