 |
Նորություններ
2 սեպտեմբերի, 2010թ.
Սեպտեմբերի 1-ին տեղի ունեցավ Արմավիրի մարզի Շենիկ գյուղի համայնքային կենտրոնում տեղակայված համակարգչային կենտրոնի բացման հանդիսավոր արարողությունը:
Ծրագրի իրագործմանն իր աջակցությունն է բերել Օրանժ Արմենիա ընկերությունը` ապահովելով անհրաժեշտ համակարգչային տեխնիկա և գերարագ ինտերնետ:
Կենտրոնի տարածքը հիմնանորոգվել և կահավորվել է Շենի և համայնքի համատեղ ջանքերով: Բարեկարգվել է նաև նույն շենքում գտնվող գյուղի բուժկետը:
Սեպտեմբերի 1-ի առթիվ գյուղի առաջին դասարանցիները նվերներ ստացան Օրանժ Արմենիա ընկերությունից, իսկ նույն կենտրոնում տեղակայված գրադարանը ստացավ 300 կտոր գեղարվեստական գրականություն, որը հավաքվել էր Օրանժի և Շենի աշխատակիցների ջանքերով:
Բացման արարաողությանը մասակցում էին Ֆրանս Տելեկոմ/Orange Խմբի կորպորատիվ սոցիալական պատասխանատվության գծով գործադիր տնօրեն
Մարկ Ֆոսիեն, Օրանժ Արմենիա ընկերության գլխավոր տնօրեն Բրունո Դյութուան, Շէն-Ֆրանսիայի ներկայացուցիչ Հրայր Հրաչյանը, գյուղի ողջ հասարակությունը:
Բացումից անմիջապես հետո գյուղի բնակիչ, բարձր որակավուոմ ունեցող ՆՏ մասնագետ Երվանդը սկասեց իր աշխատանքը` համակարգելով համակարգչային կենտրոնի գործունեությունը::
9 օգոստոսի, 2010թ.
Օրերս Գեղարքունիքի մարզի Դպրաբակ համայնքում Շեն ԲՀԿ-ի կողմից անցկացվեց սեմինար-դաշտային օր` "Օրգանական գյուղատնտեսություն և շրջակա միջավայրի պահպանություն" թեմայով: Սեմինարը կազմակերպվեց ՄԱԶԾ-ի Հայաստանյան գրասենյակի Գլոբալ Էկոլոգիական Հիմնադրամ (ԳԷՀ) փոքր դրամաշնորհների ծրագրով իրականացվող "Հողային ռեսուրսների կայուն օգտագործմանն ու կենսաբազմազանության պահպանությանն ուղղված փորձի ներդրում Գեղարքունիքի մարզի Դպրաբակ համայնքում" ծրագրի շրջանակներում: Ուսուցումը նախատեսված էր Ճամբարակի տարածաշրջանի 6 համայնքների 7-11 դասարանի աշակերտների համար: Սեմինար-դաշտային օրն անցկացվեց Դպրաբակի համայնքային օրգանական այգու տարածքում և նպատակ էր հետապնդում Դպրաբակի ու հարևան համայնքների երիտասարդ սերնդին ներկայացնել համայնքային միավորի ստեղծման տիպային ծրագրի օրինակը:
Սեմինարի ընթացքում Շեն ԲՀԿ մասնագետների կողմից ներկայացվեցին զեկույցներ` Օրգանական գյուղատնտեսությունը որպես հեռանկարային ուղություն, կենսահումուսի արտադրություն և կոմպոստի կույտի պատրաստման եղանակը, ընտանի կենդանիների հիվանդությունների ախտորոշման մեխանիզմները թեմաներով: Սեմինարի երկրորդ մասում բոլոր մասնակիցների անմիջական մասնակցությամբ համայնքային այգու տարածքում պատրաստվեց կոմպոստի կույտ, որտեղ օգտագործվեցին կալիֆոռնիական կարմիր որդեր:
Դպրաբակի համայնքային այգու պիլոտային ծրագրի օրինակը ոչ միայն կնպաստի համայնքների կայունացմանը և սոցիալական վիճակի բարելավմանը այլ նաև անուղղակի կերպով գյուղաբնակ երիտասարդներին ավելի սերտ կապերով կկապի բնակավայրի հետ:
|
|
 |
|
        
Եկամուտների ավելացմանն ուղղված ծրագրեր գյուղական համայնքներում
Մեր ռազմավարությունն է աջակցել առավելագույն թվով շահառուների` մեր տրամադրության տակ եղած սահմանափակ միջոցներով: Հետևաբար, մենք խրախուսում ենք այն ծրագրերը, որոնք շահութաբեր կլինեն ողջ համայնքի համար: Մենք հավատում ենք, որ խոցելի համայնքների բարեկեցությանն ուղղված մեր լավագույն ներդրումը կլինի նրանց օգնել կայունություն ձեռք բերել և ինքնուրույն հոգալ իրենց կարիքները:
Նոր ռազմավարություն այգիների հիմնման հարցում Զարգացման որոշակի ճանապարհ անցնելուց հետո Շենը միշտ հետադարձ գնահատող հայացք է նետում, վերլուծում անցած ուղին, ճշգրտում իր գործունեության ապագա ուղղությունները: Նման վերագնհատման արդյունքում որոշվեց վերանայել անօգտագործելի հողերի վրա այգիների հիմնման ռազմավարությունը: Այսպես, 1999թ. ի վեր Շենի գործունեության կարևոր մասը կազմում էր պահուստային հողերի վրա պտղատու այգիների հիմնումը` սպասվելիք շահույթը միմիայն համայնքային նպատակների համար ծախսելու պայմանով:
Սակայն, զարգացումների արդյունքում ավելի նպաստավոր պայմաններ ստեղծվեցին գյուղական ձեռներեցության խթանման համար, և Շենը նպատակահարմար գտավ աջակցել այն անհատ ֆերմերներին, ովքեր ունեն ցանկություն, սակայն չունեն բավարար միջոցներ այգիներ հիմնելու համար: Հայաստանում դեռևս կան հողեր, որոնք չեն մշակվում խիստ աղքատ լինելու կամ ոռոգման բացակայության պատճառով: Այն համայնքներում, որտեղ կա ներուժ մասնավոր այգեգործությունը խթանելու համար, Շենը աջակցում է ֆերմերներին մելիորացնելով նրանց քարքարոտ ու աղքատ հողերը, կառուցելով կամ նորոգելով ոռոգման համակարգերը:
Հետևյալ համայնքներում կկատարվեն մելիորացման աշխատանքներ. Բերդավան` 35 հա, Այրում` 70 հա, Շենիկ` 30 հա, Կոթի` 100 հա, Բաղանիս` 80 հա, Ոսկեվան` 70 հա, Լուսակն` 100 հա:
Քարհավաք
Սերմնաբուծությունը` շահութաբեր ձեռնարկ. Լինելով բարձր լեռնային գոտի, Վարդենիս-Ճամբարակ տարածքը ավանդաբար եղել է կարտոֆիլի մշակության կենտրոն: Մասնագետների գնահատմամբ մարզի այս տարածքը լավագույն բնակլիմայական պայմաններ ունի կարտոֆիլի սերմնաբուծությունը զարգացնելու համար, քանի որ ցրտաշունչ կլիման բույսը դարձնում է դիմացկուն, զերծ է պահում հիվանդություններից ու վնասատուներից: Այդ է պատճառը, որ ենթակառուցվածքների վերականգնման, սոցիալական խնդիրների լուծմանը զուգընթաց Շենը կարտոֆիլի սերմնաբուծությունը առաջարկեց տեղացիներին որպես եկամտի ստացման միջոց` կազմակերպելով անհրաժեշտ մասնագիտական դասընթացներ:
Օթևանատներ` Սևանա լճի ափին. Ամառային ամիսներին Ծափաթաղ, Փամբակ և Շորժա գյուղերում գործել են այն օթևանատները, որոնք ստեղծվել էին 2008թ.-ին: 2009թ.-ին համապատասխան դասընթաց անցնելուց հետո տարածքի ևս 6 ընտանիք ներգրավվեց այս ծրագրում: Այս պիլոտային ծրագրի փորձը ցույց է տալիս, որ հովեկներին ամառային օթևանատների վարձակալությամբ տրամադրումը շահութաբեր գործ է:
Հանգիստը Սևանի ափին արդեն մատչելի է բոլորի համար
Ճամբարակում վերածնվում է ձեռագործությունը. Ճամբարակի և հարակից գյուղերի կանանց եկամուտների ավելացմանն ուղղված ասեղնագործության ուսուցման ծրագիրը հաջողությամբ ավարտվեց: Ծրագիր, որը սկսվել էր 2005թ.-ին, կարող է հանդիսանալ կայունության լավ օրինակ: Ծրագրին մասնակցած մի խումբ կանայք հիմնել են ՙԹելերի աշխարհ՚ ՍՊԸ, որը տեղական բնակչությունից պատվերներ է ընդունում, կազմակերպում է ձեռագործության համար անհրաժեշտ նյութերի վաճառք, հանդիսանում է օրինակելի հարկատու:
Ճամբարակի ասեղնագործության դպրոցը կայացել է:
 
Արևային չորանոցներ Սարդարապատ և Արգինա գյուղերում
Ծիրանի այգի Արագածոտնի մարզի Լուսակն համայնքում, 2003, 2007, 2009
Եթե ցանկանում եք ձեր մասնակցությունն ունենալ գյուղական համայքների եկամուտների ավելացմանն ուղղված գործունեությանը, Միացեք մեզ:
|
|
