2 սեպտեմբերի, 2010թ.

Սեպտեմբերի 1-ին տեղի ունեցավ Արմավիրի մարզի Շենիկ գյուղի համայնքային կենտրոնում տեղակայված համակարգչային կենտրոնի բացման հանդիսավոր արարողությունը:

Ծրագրի իրագործմանն իր աջակցությունն է բերել Օրանժ Արմենիա ընկերությունը` ապահովելով անհրաժեշտ համակարգչային տեխնիկա և գերարագ ինտերնետ: Կենտրոնի տարածքը հիմնանորոգվել և կահավորվել է Շենի և համայնքի համատեղ ջանքերով: Բարեկարգվել է նաև նույն շենքում գտնվող գյուղի բուժկետը:

Սեպտեմբերի 1-ի առթիվ գյուղի առաջին դասարանցիները նվերներ ստացան Օրանժ Արմենիա ընկերությունից, իսկ նույն կենտրոնում տեղակայված գրադարանը ստացավ 300 կտոր գեղարվեստական գրականություն, որը հավաքվել էր Օրանժի և Շենի աշխատակիցների ջանքերով:

Բացման արարաողությանը մասակցում էին Ֆրանս Տելեկոմ/Orange Խմբի կորպորատիվ սոցիալական պատասխանատվության գծով գործադիր տնօրեն Մարկ Ֆոսիեն, Օրանժ Արմենիա ընկերության գլխավոր տնօրեն Բրունո Դյութուան, Շէն-Ֆրանսիայի ներկայացուցիչ Հրայր Հրաչյանը, գյուղի ողջ հասարակությունը:

Բացումից անմիջապես հետո գյուղի բնակիչ, բարձր որակավուոմ ունեցող ՆՏ մասնագետ Երվանդը սկասեց իր աշխատանքը` համակարգելով համակարգչային կենտրոնի գործունեությունը::




9 օգոստոսի, 2010թ.

Օրերս Գեղարքունիքի մարզի Դպրաբակ համայնքում Շեն ԲՀԿ-ի կողմից անցկացվեց սեմինար-դաշտային օր` "Օրգանական գյուղատնտեսություն և շրջակա միջավայրի պահպանություն" թեմայով: Սեմինարը կազմակերպվեց ՄԱԶԾ-ի Հայաստանյան գրասենյակի Գլոբալ Էկոլոգիական Հիմնադրամ (ԳԷՀ) փոքր դրամաշնորհների ծրագրով իրականացվող "Հողային ռեսուրսների կայուն օգտագործմանն ու կենսաբազմազանության պահպանությանն ուղղված փորձի ներդրում Գեղարքունիքի մարզի Դպրաբակ համայնքում" ծրագրի շրջանակներում: Ուսուցումը նախատեսված էր Ճամբարակի տարածաշրջանի 6 համայնքների 7-11 դասարանի աշակերտների համար: Սեմինար-դաշտային օրն անցկացվեց Դպրաբակի համայնքային օրգանական այգու տարածքում և նպատակ էր հետապնդում Դպրաբակի ու հարևան համայնքների երիտասարդ սերնդին ներկայացնել համայնքային միավորի ստեղծման տիպային ծրագրի օրինակը:

Սեմինարի ընթացքում Շեն ԲՀԿ մասնագետների կողմից ներկայացվեցին զեկույցներ` Օրգանական գյուղատնտեսությունը որպես հեռանկարային ուղություն, կենսահումուսի արտադրություն և կոմպոստի կույտի պատրաստման եղանակը, ընտանի կենդանիների հիվանդությունների ախտորոշման մեխանիզմները թեմաներով: Սեմինարի երկրորդ մասում բոլոր մասնակիցների անմիջական մասնակցությամբ համայնքային այգու տարածքում պատրաստվեց կոմպոստի կույտ, որտեղ օգտագործվեցին կալիֆոռնիական կարմիր որդեր:

Դպրաբակի համայնքային այգու պիլոտային ծրագրի օրինակը ոչ միայն կնպաստի համայնքների կայունացմանը և սոցիալական վիճակի բարելավմանը այլ նաև անուղղակի կերպով գյուղաբնակ երիտասարդներին ավելի սերտ կապերով կկապի բնակավայրի հետ:

                

Ծրագիրը	Վայրը	Պահանջվող գումարը Եվրոյով	Ակնկալվող արդյունքը	Կարգավի- ճակը
Ամառային ճամբար Շիրակի մարզի անապահով ընտանիքների երեխաների համար	գ. Եղնաջուր, Շիրակի մարզ	5,000 տարեկան	Յուրաքանչյուր տարի 250 երեխաներ իրենց արձակուրդները անվճար կանցկացնեն առողջ միջավայրում
Աջակցություն Օրգանական Մթերք Արտադրողների և Սպառողների Ասոցիացիային	ք. Երևան	5,000	Կազմակերպությունը Հայաստանում կներկայացնի օրգանական գյուղատնտեսության գաղափարը
Խաղահրապարակի կառուցում	գ. Բերդավան, Տավուշի մարզ	5,000	Խաղահրապարակը կծառայի հարակից 3 համայնքների երիտասարդությանը
Դպրոցի շենքի վերանորոգում	գ. Արևշատ, Շիրակի մարզ	7,000	Ծրագիրը հնարավորություն կտա առավել արդյունավետ դարձնել ուսումնադաստիարակչական գործընթացը
Համայնքային կենտրոնի վերակառուցում	գ. Ավազան, Գեղարքունիքի մարզ	55,000	Ավազան համայնքը կունենա հավաքույթների և հանդիսությունների վայր: Համայնքային կենտրոնի շենքում կտեղակայվի նաև համայնքի գրադարանը
Համայնքային կենտրոնի վերանորոգում	գ. Ջաղացաձոր, Գեղարքունիքի մարզ	25,000	Ջաղացաձոր համայնքը հավաքույթների վայր կունենա: Այսրտեղ կգործեն նաև տարբեր մշակութային խմբակներ
Համայնքային կենտրոնի վերանորոգում	գ. Արփունք, Գեղարքունիքի մարզ	13,000	Համայնքը հավաքույթների վայր կունենա: Այսրտեղ կբացվեն նաև տարբեր մշակութային խմբակներ
Համայնքային կենտրոնի վերանորոգում	գ. Առափի, Շիրակի մարզ	9,500	Համայնքը կունենա հավաքույթների վայր, ինչը համայնքային ինտեգրման նոր հնարավորություննր կընձեռի
Համայնքային կենտրոնի վերանորոգում	գ. Կաքավաձոր, Արագածոտնի մարզ	15,000	Համայնքը հավաքույթների և ժողովների վայր կունենա: Այստեղ կտեղակայվի նաև համայնքային գրադարանը
Համայնքային կենտրոնի վերանորոգում	գ. Նոր Եդեսիա, Արագածոտնի մարզ	21,000	Համայնքը կունենա հավաքույթների, ինչպես նաև համակարգչային դասընթացներ կազմակերպելու վայր