«Կոկա-Կոլա ՀԲՔ ԱՐՄԵՆԻԱ»-ի, «Շեն» բարեգործական հասարակական կազմակերպության և Աբովյանի քաղաքապետարանի միջև փոխըմբռնման հուշագրի ստորագրմամբ պաշտոնապես մեկնարկեց «Մայակովսկիի ոռոգման ցանցի վերականգնում» ծրագիրը։
Կոտայքի մարզի Աբովյան համայնքի Մայակովսկի բնակավայրում ոռոգման ցանցի վերականգնման նպատակն է խնայել խմելու ջուրը՝ բարելավելով ոռոգման համակարգը։
«Շեն» ԲՀԿ նախաձեռնած ծրագիրը նախատեսում է.
Վանևանում բնակվող 90 ընտանիքները հիմնականում զբաղվում են անասնապահությամբ և դաշտավարությամբ: Սակայն ջրի սակավության և կորուստների պատճառով ներկայումս ոռոգվում է հողերի միայն 20%-ը։
Շեն Ֆրանսիայի հովանավորության շնորհիվ՝ կկառուցենք 700 մ ջրատար: Արդյունքում ոռոգման ծավալը կբարձրանա մինչև 60% և ևս 42 հա կդառնա մշակովի, կլրացվի կերային բազան և կավելանա անասնագլխաքանակը։
Լեռնավանի բուժկետի ընդհանուր տարածքը 67․8 ք/մ է, սակայն գտնվում է խիստ ոչ բարվոք վիճակում: Աշխատող բուժքույրը գրագետ ու բանիմաց մասնագետ է, սակայն բուժական սարքավորումների և գույքի բացակայության պատճառով չի կարողանում պատշաճ կերպով սպասարկել գյուղի շուրջ 1650 բնակիչներին:
Համայնքը պատրաստակամ է աշխատուժ և ֆինանսավորում տրամադրել բուժկետի նորոգմանը, սակայն տրամադրած միջոցները չեն բավարարում աշխատանքները լիարժեք իրականացնելուն և կահավորելուն:
Շվեյցարիայի զարգացման և համագործակցության գործակալության կողմից ֆինանսավորվող «Հայաստանում անտառների վերականգնում և կլիմայի փոփոխություն» (FORACCA) ծրագիրը նշանակալից քայլ է Հայաստանի անտառային լանդշաֆտների բարելավման և կլիմայական դիմակայունության ամրապնդման ուղղությամբ։
Ծրագիրն իրականացնում են Հայաստանի անտառային դաշինքի անդամ կազմակերպությունները։
Ջրափի համայնքապետարանում արդեն տարիներ գործող նկարչական խմբակի երեխաներն ստիպված էին պարապմունքներն անցկացնել անմխիթար պայմաններում: Նկարչասենյակի պատուհանները, հատակը և տանիքը վաղուց մաշվել էին և փոխելու կարիք ունեին: Հորդ անձրևների ժամանակ ջուրը ներս էր լցվում՝ առաջացնելով խոնավություն և բորբոս: Նույն շենքում անցկացվում էին նաև գյուղի երեխաների սպորտային պարապմունքները, և հատկապես ուսումնական տարվա ընթացքում երեխաների հոսքը շենքում բավականին մեծ էր: Սակայն շենքում բացակայում էին տարրական պայմանները՝ չկար խմելու ջուր և չէր գործում զուգարանը:
Արմավիրի մարզի Բաղրամյան բնակավայրում մանկապարտեզ չի եղել հետսովետական ժամանակներից ի վեր: Համայնքն իր ֆինանսական միջոցներով կարողացել է դպրոցի ազատ մասնաշենքերից մեկը վերակառուցել ու հարմարեցնել մանկապարտեզի նորմերին: Այժմ այդ մանկապարտեզ է հաճախում գյուղի նախադպրոցական տարիքի 30 երեխա:
Համայնքի միջոցներն, այնուամենայնիվ, չեն բավարարում մանկապարտեզի գազաֆիկացման համար, որը կարող էր ապահովել մանկապարտեզի ջեռուցումը և խոհանոցի աշխատանքը:
